Montségur

Daissatz-me contar l'istoria
D'un sang begut per ma terra,
Daissatz-me contar l'istoria
D'una volontat de ferre,
D'una joventut passada,
D'una libertat volguda,
Del Vielh somi despertat
D'una libèrtat perduda !

Cinc cents erètz à Montsegur
Sabent ço que viure vol dire,
Cinc cents erètz à Montsegur
Segur i sètz darrier l'azul ...

Vaqui l'ora de los corbasses
Per los camins de Montferrier,
Vaqui l'ora de los corbasses
Gran flume, negre poiridier
Del Papa la gran armada,
Del rèi de França bandoliers,
De Domenique los porcasses :
Amen, amen, Dies irae !

Vaqui l'ora de la desfaita
L'idèia brutla sul lenhier,
Vaqui l'ora de la victoria :
Menam vostra luta avuèi,
Minoritas contra l'impèri
Indians de totas las colors
Descolonisarèm la terra ...
Montsegur, te drèiças pertot !

Claude Marti